ප්‍රාදේශීය ලේකම් කාර්යාලය - ඇහැලියගොඩ

අපේ දැක්ම

හැඳින්වීම

පිහිටීම හා පරිපාලන පසුබිම

භූමි පරිහරනය හා ඉඩම් භුක්තිය

මෙහි වැඩි වශයෙන් කෘෂි කර්මාන්තය මෙන්ම රබර් වගාව ද දැකිය හැකිය.වී ගොවිතැන වැඩි වශයෙන් කරන්නේ ද අඳ ගොවි ක්‍රමයට වන අතර තට්ටු මාරු ක්‍රමයට තමාගේම කුඹුරු වගා කරන්නෝ ද වෙති.තව ද වැඩි වශයෙන් රබර් වගාවට ද ප්‍රමුඛස්ථානයක් හිමිව ඇති අතර මීට අමතරව තේ,පොල් ආදී වගාවන් ද සිදු කර ඇත.ප්‍රදේශ වාසීන්ගෙන් වැඩි කොටසක් පරම්පරානුගතව ඉඩම් භුක්තියට හිමිකම් කියන අතර ඇතැම්හු රජයේ අනවසර ඉඩම් අල්ලා ගැනීම් කර තිබෙනු දක්නට ලැබේ.

ඓතිහාසික පසුබිම

ඇහැලියගොඩ ප්‍රාදේශීය ලේකම් කොට්ඨාශයේ ඓතිහාසික පසුබිම පිළිබඳව විමසා බැලීමේදී නොයෙකුත් ජනප්‍රවාද රාශියකින් යුක්ත වේ.එහි ඉතිහාසය සීතාවක රාජධානිය කොට රජවූ පළමු වන රාජසිංහ රජසමය දක්වා දිව යයි.

පළමු වන රාජසිංහ රජතුමා නිතර වෙස් වලාගෙන සාමාන්‍ය මිනිසෙකු හැටියට රට පුරා ඇවිද රට වැසියන්ගේ දුක සැප තමන්ම සොයා බලා පිළියම් යෙදූ අභීත වීර පුරුෂයෙකු ලෙසින් ප්‍රචලිතය.

මෙසේ එක් දිනක් රට වැසියන්ගේ දුක සැප විචාරමින් වීදි සංචාරය කරන විට රෑ බෝ වූ බැවින් රාත්‍රිය ගත කිරීමට සුදුසු ස්ථානයක් සොයා ඇත.

මෙම ප්‍රදේශයේ ඇහැලමලී නමින් හැඳින්වූ රූමත් කාන්තාවක්ගේ නිවසේ රාත්‍රිය ගත කර ඇත.

රජතුමාට ඉතාමත් ඉහළින් ආගන්තුක සත්කාර කළ මෙම කාන්තාව කෙරෙහි පැහැදුන රජතුමා මෙම ප්‍රදේශය ඇහැලිගේ ගොඩැල්ල නමින් නම් කර ඇයට පවරා දුන් බව කියවේ.

පසු කාලයකඇහැලියගේ ගොඩැල්ලඇහැලියගොඩ වූ බව ඉපැරණි මතයයි.

ඇහැලියගොඩ යන නම නිර්මාණය වූ බව පැවසෙන තවත් එක් මතයක් නම් අතීතයේ මෙම ප්‍රදේශයේ ඇහැලමලී නමින් හැඳින්වූ කාන්තාවක් ජීවනෝපාය ලෙසින් රෙදි සෙදීම සිදු කළ බවයි.රෙදි සෝදා වියලීම සඳහා තරමන් උස් ස්ථානයකින් යුක්ත වූ ගොඩැල්ලක් භාවිතා කර ඇත.පසු කළෙක දුර ගමන් යන කරත්තකරුවන්ගේ ගමන් විඩාව සංසිදුවා ගැනීම සඳහා මෙම ස්ථානය නවාතැනක් ලෙස භාවිතා කොට ඇත.

එම ස්ථානයපසු කාලයකඇහැලිගේ ගොඩැල්ල ඇහැලියගොඩ වූ බව ජනප්‍රවාදයේ කියවේ.

විවිධ වූ අභියෝගයන්ට මුහුණ දෙමින් විවිධ ජයග්‍රහණයන් ලඟා කරගනිමින් මහජනතාවට වඩාත් ඵලදායී කාර්යක්ෂම සේවයක් සැපයීමට සමත් ජයග්‍රාහී යාන්ත්‍රනයක් අප සතු වේ.

මෙතෙක් සේවය කළ ප්‍රාදේශීය ලේකම්වරු