ප්‍රාදේශීය ලේකම් කාර්යාලය - ඇහැලියගොඩ

සබරගමුව කර්මාන්ත හා වාණිජ මණ්ඩලය මගින් පැවැත් වූ 2020 වසරේ විශිෂ්ටතම ව්‍යවසායිකයින් තේරීමේ සම්මාන උළෙලේ ඇහැලියගොඩ කොට්ඨාසයේ ව්‍යවසායිකයින් ඉහලින්ම ඔසවා තැබීමට කැපවීම, ධෛර්යය මග පෙන්වීම නොඅඩුව ලබා දෙමින් ව්‍යවසායිකයින් හට යෝධ ශක්තියක් වූ ඇහැලියගොඩ ප්‍රාදේශීය මහ ලේකම්තුමාට, සහකාර ප්‍රාදේශීය ලේකම්තුමියට සහ ව්‍යවසාය සංවර්ධන නිලධාරී නිල්මිණි විජේවර්ධන මහත්මියට ලංකා පරිසර නිෂ්පාදන ආයතනය සහ සම්මානලාභී ව්‍යවසායිකයින්ගේ උපහාරය.

"කොරෝනා පරදවන්න අනිත් අයට ආදර්ශ වෙමු" තේමාව යටතේ මහජනතාව දැනුවත් කිරීමේ විශේෂ ප්‍රචාරක සේවාවක් 2020.12.22 දින ප්‍රාදේශීය ලේකම් කාර්යාලය ඉදිරිපිටින් ජල සම්පාදන ගරු අමාත්‍ය වාසුදේව නානායක්කාර මැතිතුමාගේද සහභාගීතවයෙන් සිදුවිය.

ඇහැලියගොඩ ප්‍රාදේශීය ලේකම් කාර්යාලයේ බෞද්ධ සංගමයේ "සරණ යාත්‍රා " නිවාස වැඩසටහනේ මෙහෙයවීමෙන් ,අධීක්ෂණයෙන් හා පරිත්‍යාගයෙන් ද ඇහැලියගොඩ රෝයල් සෙරමික් ආයතනය ,ප්‍රාදේශීය විදුලි අධිකාරී කාර්යාලය,බුළුගහපිටිය සනුක් ඉලෙක්ට්‍රිකල්ස් සහයෝගයෙන් සහ යමුනා රම්‍යශීලි ජයලත් මැතිණිය ඇතුළු ප්‍රදේශ වාසීන්ගේ දායකත්වයෙන් ඉදිකරන ලද නව නිවස හිදුරංගල වසමේ ආර්.එම්.සරත් කුමාර මහතා වෙත පරිත්‍යාග කිරීමේ සුභ මොහොත 2021.01.27 දින පෙ.ව 10.00 ට ප්‍රාදේශීය මහ ලේකම්තුමාගේ ප්‍රධානත්වයෙන් සහ කාර්යාලීය නිලධාරීන්ගේ සහභාගීත්වයෙන් හිදුරංගලදී සිදුවිය.

අතිගරු ජනාධිපතිතුමන්ගේ "සෞභාග්‍යයේ දැක්ම" ප්‍රතිපත්ති ප්‍රකාශයේ සදහන් පරිදි රැකියා ලක්ෂයක් ලබාදීමේ ජාතික වැඩසටහනට අදාලව ඇහැලියගොඩ කොට්ඨාසයේ සුදුසුකම් ලැබූ බහුකාර්ය සංවර්ධන සහයකයින් සදහා career key test (මනෝමතික පුහුණුව) ලබාදීම 2020.11.12, සහ13 දිනයන්හිදී ප්‍රාදේශීය ලේකම්තුමාගේ මග පෙන්වීම යටතේ කාර්යාලීය ශ්‍රවණාගාරයේදී සාර්ථකව පැවැත්විණ.