ප්‍රාදේශීය ලේකම් කාර්යාලය - ඇහැලියගොඩ

ඇහැලියගොඩ ප්‍රාදේශීය ලේකම් කාර්යාලය මූලිකත්වයෙන් රංවල බලකාය සමඟ ඇහැලිසර 2019 සාහිත්‍ය කලා මහෝත්සවය 2019.09.23 වන දින ඇහැලියගොඩ ජාතික පාසල් ශ්‍රවණාගාරයේ දී අති සාර්ථකව පැවැත්විණි.
සබරගමු පළාත් අධ්‍යාපන තොරතුරු තාක්ෂණික හා සංස්කෘතික කටයුතු අමාත්‍යාංශයේ සහකාර අධ්‍යාපන අධ්‍යක්ෂ අති පූජ්‍ය කන්තලේ විජිතවංශ ස්වාමීන් වහන්සේගේ අනුශාසකත්වයෙන්, ඇහැලියගොඩ ප්‍රාදේශීය ලේකම් එච්. සී. එන්. ධර්මපාල මැතිතුමන්ගේ හා සහකාර ප්‍රාදේශීය ලේකම්තුමිය ඩබ්. එච්. ඒ. එන්. ටී. ජයසිංහ මහත්මියගේ මූලිකත්වයෙන්, සංස්කෘතික නිලධාරිනී චන්ද්‍රිකා ලියනආරච්චි මහත්මිය හා සංස්කෘතික ප්‍රවර්ධන නිලධාරී බුද්ධික ජයවර්ධන මහතාගේ සංවිධාන ශක්තියෙන් පැවැත් වූ අතර දායක වූ සියලු දෙනාට හදපිරි ස්තූතිය.

ජනාධිපති කාර්යාලයේ මූලිකත්වයෙන් ජාතික වශයෙන් ක්‍රියාත්මක කරනු ලබන ග්‍රාම ශක්ති, මත් ද්‍රව්‍ය නිවාරණ , ජාතික ආහාර නිශ්පාදනයට ස්මාර්ට් ශ්‍රී ලංකා වැඩ සටහන්වල අගය සාකච්ඡා කිරීමේ වැඩසටහන 2019.08.09 වන දින පෙ. ව 10.00 ට ප්‍රාදේශීය ලේකම් කාර්යාල රැස්වීම් ශාලාවේදී පැවැත්විණි.මෙම වැඩසටහන සඳහා රත්නපුර දිස්ත්‍රික් ගරු පාර්ලිමේන්තු මන්ත්‍රී දුනේෂ් ගන්කන්ද මැතිතුමාගේ සම්බන්ධීකාරණ ලේකම් හිටපු ගරු පලාත් සභා පරිවාස අමාත්‍ය නාලක අතුකෝරල මැතිතුමාගේ සහභාගීත්වයෙන් සිදුකරණු ලැබුණි.

ප්‍රාදේශීය මහලේකම් කාර්යාලය හා ප්‍රාදේශීය ශාසනාරක්ෂක මණ්ඩලයේ සංවිධානකත්වයෙන් යුතුව 2019.09.08 වන ඉරු දින ඇහැලියගොඩ ජාතික පාසලේදී කොට්ඨාශයේ සියලුම දහම් පාසල් දරුවන්ගේ සහභාගිත්වයෙන් යුතුව සිදු කෙරුණි.

69903996 828651500864848 6989297132293324800 n

69918659 828651340864864 3393979484825714688 n

70494018 828651670864831 6418767223019536384 n

ඇරෑපොල ග්‍රාමනිලධාරී වසමේ සමෘද්ධි දිරිය පියස නිවාස ඉදිකිරීමේ ශ්‍රමදාන වැඩසටහන 2019.08.28 දින ඩබ්ලිව්. කේ. චන්ද්‍රසිරි මහතාගේ (නිවාසලාභියා) ඉඩමේදී ඇරෑපොල සහ ඉහලෝවිට සමෘද්ධි ප්‍රජාමූල සංවිධාන සාමාජිකයන් විසින් සිදුකරන ලදී.සමෘද්ධි සංවර්ධන නිලධාරී එම්. කේ සරත් කුමාර මහතා, ආර්ථික සංවර්ධන නිලධාරී රේණුකා දමයන්ති මිය, ග්‍රාම නිලධාරී සංජීව මුල්ලෙගංගොඩ මහතා, සමාජ සංවර්ධන සහකාර සඳරුවන් රාජකරුණා මහතා සහභාගී විය.