ප්‍රාදේශීය ලේකම් කාර්යාලය - ඇහැලියගොඩ

වර්තමන රජයේ ගමට ගෙයක් වැඩසටහන යටතේ නාපාවල මහතාගේ නිවසට ගෙට ගෙවදීම 2020.10.12 දින පෙ.ව 10.04 යෙදුනු සුභ මොහොතින් ඇහැලියගොඩ ප්‍රාදේශීය මහ ලේකම්තුමාගේ ප්‍රධානත්වයෙන් සිදු කරන ලදි. රු ලක්ෂ 6 ක සහනාධාරයක් ‍මේ සදහා රජය මගින් ලබා දී ඇති අතර මෙහි නිමි වටිනාකම රු ලක්ෂ 14 කට වැඩි තරම්ය. මෙම අවස්ථාව සදහා සෞඛ්‍ය අමාත්‍ය ගරු පවිත්‍රා වන්නි ආරච්චි මැතිණියගේ සම්බන්ධීකරණ ලේකම් නලීන්ද්‍ර රත්නායක මහතා සහ ගරු ප්‍රාදේශීය සභා මන්ත්‍රිවරුන් වන කරුණාදාස මහතා, සුමිත් මහතා සහභාගී විය. ජාතික නිවාස සංවර්ධන අධිකාරියේ පූර්ණ අධීක්ෂණය යටතේ ඉදිකළ මෙම නිවස ග්‍රාම නිලධාරී, සංවර්ධන නිලධාරී සහ සමෘද්ධි සංවර්ධන නිලධාරීන්ගේ අධීක්ෂණයෙන් හා සහයෝගය යටතේ ඉදිකරන ලද්දකි.

කොවිඩ් - 19 වෛරසය පිළිබඳව ඇහැලියගොඩ නගරයේ ප්‍රජාව දැනුවත් කිරීමේ වැඩ සටහනක් 2020.08.24 දින ඇහැලියගොඩ කරීටාස් සෙත්මිණි ආයතනයේ අනුග්‍රහයෙන් සෞඛ්‍ය වෛද්‍ය නිලධාරී කාර්යාලයේ සහයෝගයෙන් ජාතික ඒකාබද්ධතා සම්බන්ධීකාරක ,ක්‍රීඩා නිලධාරි, තරුණ සේවා නිලධාරිණියගේ සංවිධාන ශක්තියෙන් කොට්ඨාසයේ තරුණ තරුණියන්ගේ සහභාගීත්වයෙන් සිදු කරන ලදි.

Covid 19 ජනාධිපති කාර්ය සාධක බලකාය හා රත්නපුර දිස්ත්‍රික් ලේකම් කාර්යාලයේ මග පෙන්වීමෙන් ඇමරිකානු එක්සත් ජනපද ආධාර වැඩසටහන (USAID) හා MIS ආයතනයේ ( Management System International ) මූල්‍ය අනුග්‍රහයෙන්, ජනපවුර වැඩසටහන ක්‍රියාත්මක කිරීම සමගාමීව රත්නපුර පාරිසරික හා ප්‍රජා සංවර්ධන තොරතුරු
මධ්‍යස්ථානය (ECDIC) සම්බන්ධීකරණයෙන් ඇහැළියගොඩ ප්‍රාදේශීය ලේකම් කොට්ඨාසයේ ස්ථාපිත ළමා නිවාස තුනක පොදු කාර්යය පහසුකම් වැඩි දියුණු කිරීම හා නේවාසික ළමුන්ගේ සෞඛ්‍ය හා සනීපාරක්ෂක පහසුකම් ප්‍රවර්ධනයට අදාළව මාරබේ ගැටහැත්ත ජනෝධ්‍යා මාරඹේ ළමා සංවර්ධන මධ්‍යස්ථානය හා රු 48100.75 ක
ද්‍රව්‍ය ආධාර ද පලීගල, ඇහැළියගොඩ ලිපිනයේ පිහිටි සරත් උක්වත්ත ක්ෂේම මන්දිර ළමා සංවර්ධන මධ්‍යස්ථානය සඳහා රු 151003.75 ද්‍රව්‍ය ආධාර හා වියලගොඩ ඇහැලියගොඩ, ගැහැණු ළමා රැදවුම් මධ්‍යස්ථානය සඳහා රු 92111.25 වටිනාකමින් යුත් ද්‍රව්‍ය ආධාර පිරිනැමීම සමාජ සේවා නිලධාරීන් හා ළමා හිමිකම් සංවර්ධන නිලධාරීන්ගේ සහභාගීත්වයෙන් 2020.06.09 දින ඇහැලියගොඩ ප්‍රාදේශීය ලේකම් එච්.සී.එන්.ධර්මපාල මහතාගේ ප්‍රධානත්වයෙන් සිදු කරන ලදී.

101567563 1043359476060715 897510366862555252 n

101987760 1043359056060757 4149478616309032155 n

102410901 1043359019394094 2622114454452878945 n

103533532 1043359636060699 8568289184322186844 n

103689914 1043359076060755 8625591616828088948 o

2020 පාර්ලිමේන්තු මහ මැතිවරණය සම්බන්ධයෙන් ඇහැලියගොඩ සහ කිරිඇල්ල ප්‍රාදේශීය ලේකම් කාර්යාල වලට අයත් ග්‍රාම නිලධාරී මහත්ම මහත්මීන් දැනුවත් කිරීමේ සාකච්ඡාවක් රත්නපුර දිස්ත්‍රික් මහ දිසාපතිතුමිය මාලනී ලොකුපෝතාගම මැතිණියගේ ප්‍රධානත්වයෙන් 2020.07.20 දින කාර්යාලයීය ශ්‍රවනාගාරයේදී පැවැත්විණ.

ප්‍රාදේශීය මහ ලේකම්තුමාගේ අධීක්ෂණයෙන් කාර්යාලයීය නිලධාරීන් සහ ප්‍රාදේශීය සභාව, සෞඛ්‍ය වෛද්‍ය නිලධාරී කාර්යාලය එක්ව 2020.06.09 දින ඩෙංගු මර්දන විශේෂ වැඩසටහනක් ඇහැලියගොඩ නගරය පුරා ක්‍රියාත්මක විය.